معلومات هامه قبل البدء بمشروع الارانب

استعرض الموضوع السابق استعرض الموضوع التالي اذهب الى الأسفل

معلومات هامه قبل البدء بمشروع الارانب

مُساهمة من طرف Admin في السبت يوليو 03, 2010 1:50 am

اخى المستثمر..قبل عمل مزرعة للارانب احفظ و افهم هذه المعادلة كويس جدااا.



مزرعة ارانب ناجحة = بطاريات بمواصفات علمية حديثة + سلالات محسنة وراثيا + اعلاف ممتازة + عنبر جيد و مناسب + مشرف ذو خبرة عملية و علمية.



اولا:- البطاريات العلمية الحديثة.



سوف نشرح معنى البطارية العلمية المناسبة للتربية... كثيرا جداا يسئل لى هذا السؤال ... و هو طبعا سؤال خطا من الاساس، بكام البطارية ال 11 عين ؟؟ ودة اول غلط بيقع فية المستثمر ...بكل سهولة بيطلع من النت او الجرائد مجموعة من الشركات و بيسئلها نفس السؤال ؟؟ و الارخص بيشترى منها... ودة غلط طبعا ... لانة مسئلش عن مواصفات ؟؟ولا نوع البطارية؟؟ ولا نوع الجلفنة ولا الالكتروستاتيك .؟، ينفع تخش تشترى عربية مثلا من شركة المصرية للعربيات و تسئل ...بكام العربية ال 2 باب عندكم؟؟ طبعا حيضحكوا عليك؟؟لان سؤالك غلط؟؟ طب انهى نوع عربية ؟؟و هل العربية عايزها منوال ولا اوتوماتيك؟؟و هل العربية عايزها فول ابشن ولا فاضية؟؟ كل دى اسئلة مهمة ... ؟؟؟؟



تعالى بقى نشرح ببساطة اية هى البطارية العلمية... قبل ما تشترى لازم لازم لازم تعرف انك مش بتقارن سعر الاول ؟؟ انت بتعرف المواصفات و تقارنها بالسعر... ، اولا تخانة السلك مهم جدا ان سلك الارضية للنتاج و الامهات و الذكور يكون محمل ..يعنى لا يقل عن 2،7 مللى فى 3 مللى ...، و بالنسبة لوش البطارية للامهات لا يقل السلك عن 4 مللى ،،وبقية البطارية لا تقل السلك بها عن 2،5 مللى ....


طول القفص بالنسبة للامهات 165 سم و عرضة 45 سم .


طول قفص الفطام 165 سم و عرضة 40سم .


بالنسبة للجلفنة منها نوعين جلفنة على البارد و هى ( قلوى – حمضى ) و هى تعطى طبقة جلفنة من 20 الى 40 ميكرون ، و جلفنة على الساخن و تعطى طبقة جلفنة تصل الى 100 ميكرون... و طبعا الفرق فى السعر بين النوعين كبيييييير جداااا...


اما بالنسبة للالكتروستاتيك من المهم جدا انك تعرف ...لو السلك مش متجلفن كويس و تيجى ترش الكتروستاتيك عليها بعد اسبوع واحد بالكتير حتلاقى الالكتروستاتيك مفيش و تقول يا رحمان يارحيم على البطارية ...، فلازم تكون الجلفنة بضميييييير عشان البطارية تعيش كويس، الالكتروستاتيك دة عبارة عن بودرة بتترش فى فرن ..ذى دوكو العربيات ، و فى الفرن درجة الحرارة شديدة جدا فلون الجلفنة الفضى المميز حتلاقية بيسود شوية..يعنى تفهم من كدة انك لو خربشت بطارية الكتروستاتيك و لقيت السلك مسود شوية ( مش مصدى ) متقولش البطارية مش مجلفنة ؟؟؟... بالنسبة لبيت الولادة لازم يكون الصاج بتاعها ميقلش تخانتة عن 0،40 مللى و يكون متجلفن جلفنة ممتازة ..و يكون بيت الولادة كبير و ارضية بيت الولادة تكون سلك و صاج مش صاج بس؟؟؟ودة مهم جدااااااا فى الصيف.


و سمك الصاج لا يقل عن 0،40 مللى.


بالنسبة للشاسية بتاع البطاريات ( الحوامل ) لازم تكون من النوع العريض..مش من النوع العادى؟؟ سعر العين الواحدة سواء للامهات او الذكور او الفطام 85 جنية ..( شاملة النقل لاى مكان بجمهورية مصر العربية و تركيب البطاريات و خطوط المياة كاملة.)...



ثانيا :- السلالات المحسنة وراثيا.



السلالات الجيدة و المحسنة وراثيا ...انصح انك تشتريها من المزارع الكبرى بمصر ( يعنى مزارع فيها اكتر من 3000 ام ) مش فيها 100 ام؟؟؟ او مراكز البحوث الكبرى ( فى مراكز بحوث بمصر فيها 50 ام ...و دى طبعا متنفعش؟؟؟؟


السلالات دى يتراوح سعرها فى مراكز البحوث ( 20-25 جنية للشهر الواحد ).. و انا على استعداد تام لتوفير اى كمية مهما كانت بسعر جيد جدا..و شامل التوصيل لمزرعتك..


سلالة محسنة وراثيا ..يعنى تتحمل كثيييير من الامراض المنتشرة بمصر ، تعطى اعلى معدلات للخلفة ، صفة الامومة ممتازة لديها ، معدلات نمو الخلفة كبييييرة جدا ، معدل ادرار اللبن ممتاز..... طبعا فى ارانب...طبعا مينفعش اقول عليها سلالات ممكن تجيبها بسعر من 65 الى 80 جنية و دى طبعا من مكاتب او اشخاص غيييييير متخصصين فى مجال الانتاج الحيوانى عموما و الارانب خصوصا.



ثالثا:- الاعلاف الممتازة.



دى مشكلة المشاكل فى مزارع الارانب بمصر و الوطن العربى عموما.. بسمع كتيييير الشكاوى دى ... الارانب بتسهل ، الارانب عندها انتفاخااااات ، معدل النمو للارانب مش عجبنى ، نسبة الخصوبة قليلة اوى ،، العلف فية بودرة كتيييييييير ....؟؟؟؟


طبعا المشاكل دى كلها اساسها او بالاصح سببها العلف ... ؟؟المربى عايز علف لا يسبب اى اسهالات او انتفاخات للارانب ..و عايز علف بيدية معدلات نمو كبيرة كل يوم ..وعايز علف بيزود ادرار اللبن للامهات و بيرفع الخصوبة للامهات و الذكور ..و عايز علف مفيهوش بودرة.... و كمان بسعر كويس يعنى مش غالى اوى ...؟؟


كل دة حتلاقية فى علف ممتاز جداااااااا و مزارع كبيرة بمصر بتستعملة اسم الشركة اعلاف مصر موقعها الالكترونى هو والشركة دى عندها اكثر من نوع لاعلاف الارانب منها اكسترا و البريمو ... وعلى فكرة العلف دة بيدخل فى تركيبة البرسيم الحجازى المجفف صناعى (الفا الفا)، و بيدخل فى تركيبة مجموعة من الاعشاب الطبية الطبيعية.



رابعا:- عنبر جيد و مناسب لعدد الارانب المرباة.



كل ام تحتاج 1 متر مربع ... يعنى المزرعة ال 100 ام بالذكور و خلفتها تحتاج مساحة 100متر مربع تقريبا....، لازم يكون العنبر جييييييد التهوية ، و مفيهوش فئران او قوارض على الاطلااااااااااااااق، ميدخلهوش مياة الامطار ، ودة مهم جداااااا قبل معمل مزرعة لازم اجهز العنبر كويس جدااا... يتراوح ايجار العنبر لكل 100 ام حوالى 400 جنية تقريبا.


اننى على استعداد لتوفير العنابر الجيدة.



خامسا:- مشرف ذو خبرة عملية و علمية ( لازم الاتنين مع بعض).



لازم المشرف قللى حيدير مزرعتك ( تلقيح – جس – علاج امراض – الخ ..)..لازم يكون لدية خبرة كبيرة عملية و علمية معا.. يعنى مينفعش مثلا اجيب دكتور من الجامعة مدخلش مزارع قبل كدة يمسك مزرعتك..؟؟؟ دة طبعا كويس كداااا بس اكاديمى وبس ...و مينفعش اجيب واحد اشتغل فى مزارع كتييييييييير بس للاسف ميعرفش احدث الابحاث فى مجال الارانب؟؟؟




اخى المستثمر ... اخى المربى ..لا تقلق انا بوفرلك معادلة النجاح دى ... من البطاريات العلمية و السلالات المحسنة وراثيا و الاعلاف الممتازة و العنابر الجيدة و الاشراف العلمى.


و كمان بعمل معاك عقد تسويق بسعر السوق..



للاستثمار اصول ..يجب ان تعرفها...نعدكم بتقديم ما نحترفة...



Admin
Admin

عدد المساهمات : 489
تاريخ التسجيل : 17/04/2010

معاينة صفحة البيانات الشخصي للعضو http://alaalalmisri.riadah.org

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى